Login
ENGHYRU
Home / Archives for Blog User
«Համեղ ուտեստը նման է հաճելի երկխոսության հաճելի անձնավորության հետ». հարցազրույց գործադիր շեֆ Գոռ Մարկոսյանի հետ

Այսօրվա երթուղին մեզ բերել է «Degustation»-ի գործադիր շեֆ Գոռ Մարկոսյանի խոհանոց: Կի՞նը, թե՞ տղամարդը, ֆրանսիակա՞նը, թե՞ հայկականը, այս և ավելին բացահայտել ենք գործադիր շեֆի հետ ունեցած համեղ զրույցի ընթացքում։

 -Գոռ ջան, խնդրում ենք շարունակել միտքը «Համեղ ուտեստը նման է…»

-Հաճելի երկխոսության  հետաքրքիր անձնավորության հետ, ինչը, նշեմ, կարող է լինել  ինչպես քաղցր, այնպես էլ կծու կամ դառը։

Ի՞նչ նկատի ունեք ասելով լավ ուտեստ, և երբ կհամարեք ուտեստը ստացված։

-Գինեգործները սիրում են նշել, որ լավն է այն գինին, որը չի մնում շշի մեջ։ Նույն տրամաբանությամբ՝ լավն է այն ճաշատեսակը, որը չի մնում ափսեում։

-Ինչպես գիտենք «Degustation»-ում ներկայացված են 6 երկրների խոհանոցներ, որոնք կբավարարեն տարբեր սննդային նախըտրություններ ունեցող մարդկանց քիմքը։ Հետաքրքիր է՝ Ձեզ ավելի շատ ո՞ր բաժինն է դուր գալիս ։

-Ավելի անաչառ լինելու համար պետք է փաստեմ, որ իտալական խոհանոցի դրույթներն ինձ համար ավելի հոգեհարազատ են։

-Ի՞նչ եք զգում, երբ ձեր ուտեստն արժանանում է քմահաճ հաճախորդի հավանությանը։

-Միշտ էլ հաճելի է, երբ կատարածդ աշխատանքը գնահատվում է։ Կարծում եմ յուրաքանչյուր աշխատանքում դա է գործի վառելիքը։

-«Մայրիկի եփածն ուրիշ է» արտահայտությունը հայտնի է բոլորիս, իսկ ու՞մ պատրաստած կերակուրը կգոհացնի խոհարարին:

– Կասեմ մի բան՝ «Մայրիկի եփածն ուրիշ է»:

-Ինչքանո՞վ է կարևոր մատուցման ձևը ուտեստի հաջողության համար։

-Կարիք չկա նշելու, որ ուտեստը պետք է լինի համեղ և որակյալ, իսկ գեղեցիկ մատուցումը շոյում է յուրաքանչյուրիս ներսում ապրող էսթետին, ինչպես նաև լրացուցիչ արժեք ստեղծում հաճախորդի համար։

Մենք բոլորս ենթագիտակցորեն ձգտում ենք գեղեցիկին, և այն նկատելի է ամեն պարագայում։ Ուստի խոհարարները նույպես պետք է ստեղծեն այնպիսի գեղեցկություն ինչով կցանկանա հաճախորդը կիսվել (չմոռանանք վերջին տարիներին ի հայտ եկած՝ սոցցանցերում սնունդի նկարներ տեղադրելու թրենդը):

Ո՞վ է խոհարարը, և արդյո՞ք յուրաքանչյուր ոք կարող է խոհարար լինել։

Խոհ-արար, բառն էլ է հուշում։ Սկզբում մտածում ես, հետո սկսում արարել։ Խոհարարը ստեղծարար է, ով հմուտ կերպով համադրելով ՙհում՚ բաղադրիչները, և ամեն անգամ իր մի մասնիկը դնելով ճաշատեսակի մեջ, ստեղծում է տրամադրություն։

Խոհարար լինելու համար պետք է ունենալ ծով համբերություն և մեծ նվիրում։ Կան կանոններ, որ պետք է իմանալ, մնացածը հենց երևակայության տիրույթն է։

Ավելի համեղ պատրաստում են կանայք, թե՞ տղամարդիկ։

Միանշանակ ոչինչ չենք կարող պնդել։ Կարևոր չէ՝ ով է պատրաստում, կարևոր է՝ ինչպես։ Եթե տարբեր խոհարարներ միևնույն բաղադրատոմսով պատրաստեին նույն կերակուրը, բոլորն էլ տարբեր կստացվեն։ Համեղ է այն, ինչի մեջ հոգի ես դնում։

Ի՞նչ խորհուրդ կտաք փորձել մեր այցելուներին:

Ամեն ուտեստ ունի իր բնավորությունն ու տրամադրությունը։ Երբեմն էլ ուտեստն է քեզ ընտրում, և ոչ հակառակը։ Այնպես որ ճամփորդեք և ունեցեք բազում կայարաններ, համոզված եմ՝ «Ձերը» կգտնի Ձեզ։

11.06.2020
We are happy to announce that Degustation has got the Best Food Delivery Service award in Yerevan, Armenia from Restaurant Guru the worldwide restaurant guide!
02.08.2019
«Համեղ ուտեստը նման է հաճելի երկխոսության հաճելի անձնավորության հետ». հարցազրույց գործադիր շեֆ Գոռ Մարկոսյանի հետ
Այսօրվա երթուղին մեզ բերել է «Degustation»-ի գործադիր շեֆ Գոռ Մարկոսյանի խոհանոց:…
Next Station Degustation
Login